Budyšin (SN/BŠe). Cyle wosebite dožiwjenje měješe wčera a dźensa 19 šulerjow 4. lětnika Pančičanskeje zakładnje šule. W Budyskim studiju mdr woni spěwaj nahrawachu. „Spěchujemy dorost a dźěćace produkcije“, rozłoži Handrij Špitank z hudźbneje redakcije Serbskeho rozhłosa. Iniciator noweho projekta je hudźbnik Měrćin Weclich. Wón wobroći so zaměrnje na Pančičansku zakładnu šulu pytajo za nowymi talentami. Wu­zwolił je dwaj spěwaj ze cyklusa „Mjezwočo“ spisowaćelki Lubiny Hajduk-Veljkovićoweje. Cyłkownje wobjima cyklus sydom spěwow na temu mjezwočo.