Budyšin (SN/MG). „Fachowe kružki“ mjenuje Jadwiga Kaulfürstowa, wědomostna sobudźěłaćerka Rěčneho centruma WITAJ, skupiny kubłarkow a kubłarjow, z kotrymiž wona intensiwnje z pomocu praktiskich aspektow wo jich dźěło z dźěćimi wuradźuje. Dohromady šěsć tajkich je wona iniciěrowała: Jedyn za žłobik, jedyn za hort a štyri za pěstowarnje. Mjenowane fachowe kružki tyja wuměnje personala wšelakich kubłanišćow z wšelakorymi nošerjemi. „Tuta fachowa wuměna je požadana“, powěda Kaulfürstowa w rozmołwje z našim wječornikom. Chiba jónu za lěto abo jónu za poł lěto so skupinki wotměnjejo we wšelakorych kubłanišćach zetkawaja.