Kak komplikowana a brizantna situacija za ćěkancow je, kotřiž pytaja w Němskej azyl, je so na wčerawšim posedźenju wokrjesneho sejmika Sprjewja/Nysa pokazało.

Baršć (HA/SN). Radźićeljo dyrbjachu tutu přidatnu wurjadnu zhromadźiznu zwołać, dokelž dyrbja spěšnje rozsudźić wo twarje dalšeho centralneho přijimanišća požadarjow azyla (Erstaufnahmestelle). Prijimanišći w Barće a Gubinje stej přepjelnjenej. Nětko chcedźa w Grodku dalše přijimanišćo za 120 ludźi załožić. Hižo dołho su we wšelakich gremijach wo tym diskutowali. Nětko bě doskónčny rozsud wokrjesneho sejmika trěbny.