Stolětny zaso kaž nowy

wutora, 08. septembera 2015
artikl hódnoćić
(0 )
Ponowjeny gmejnski swjaty křiž w Miłoćicach je farar Peter Opitz njedźelu w přitomnosći mnohich wjesnjanow požohnował.  Foto: Helmut Schippel Ponowjeny gmejnski swjaty křiž w Miłoćicach je farar Peter Opitz njedźelu w přitomnosći mnohich wjesnjanow požohnował. Foto: Helmut Schippel

Njebjelčanska gmejna swjaty křiž restawrować a požohnować dała

Miłoćicy (HS/SN). Hnydom dwaj restawrowanej swjatej křižej je Heidenauski farar­ Peter Opitz zawčerawšim, njedźelu, w Miłoćicach požohnował. Nimo Bulankec swójbneho křiža bě to dalši gmejnski při puću do směra na Njebjelčicy. Něhdźe 50 lět wobhladuja Miłočenjo tónle křiž jako­ swój zhromadny. Bywša wobsedźerka bě jón 1960 restawrować dała, bórze na to pak zemrěła, zawostajiwši přeće, zo njebychu­ křiž sebi samomu přewo­stajili. Tomu wotpowědowaše Njebjelčanska gmejna hižo lěta 2002.

Lětsa je komuna křiž znowa restawrować dała. Hižo z dawnych časow drje koporowa třěška křiž škita. Přiwšěm je čas swoje slědy zawostajił. Prjedy hač bychu škody tak wobšěrne byli, zo křiž scyła hižo­ sporjedźeć njemóhli, so gmejnska rada rozsudźi jón ponowić dać. Tajkile wuměłsce hódny objekt restawrować dać wšak njemóžeš z portoweje kasy zapłaćić. Gmejna prócowaše so tuž wo spěcho­wanske srědki, štož pak so bohužel nje­poradźi. Radźićeljo tohodla wobzamknychu, do hospodarskeho plana zapřijeć 2 000 eurow za ponowjenje.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND