Zhubjeny kamjeń namakany

wutora, 22. septembera 2015
artikl hódnoćić
(0 )
Hordźe prezentuja twarski nawoda Frank Wünsche a mulerjej Kevin Fischer a Marcel Hahn (wotlěwa) namakany wopomnjenski kamjeń.  Foto: Eberhard Schmitt Hordźe prezentuja twarski nawoda Frank Wünsche a mulerjej Kevin Fischer a Marcel Hahn (wotlěwa) namakany wopomnjenski kamjeń. Foto: Eberhard Schmitt

Budyšin (ESm/SN). Na južnym boku mosta­ za kolesowarjow a pěškow při Budyskej Sprjewinej hasy bě bjezposrědnje pod mostom wosebje wuhotowany kamjeń, wo kotrymž bohužel žadyn kmany wobraz njeeksistowaše. Jako su móst před něšto tydźenjemi wottwarili, zo móhli město njeho nowy natwarić, dyrbjachu zwěsćić, zo tam kamjeń hižo njebě. Najskerje běchu jón při ponowjenju mosta kónc 80tych lět wotstronili.

Stawizny wopomnjenskeho kamjenja su z mostom a z Kapplerec młynom na sewjernym­ boku Sprjewje při Młynskej hasce wusko zwjazane. Spočatnje bě młyn papjercownja, pozdźišo w njej žito mlějachu. Mjez wobsedźerjemi běštaj znaty Budyski lěkar dr. Elias Lehmann a dr. Johann Gottlieb Platz. Wobaj zasadźeštaj so tohorunja za móst­, zo móhli ludźo k młynej dóńć. Předewšěm po wulkej wodźe staraštaj so wonaj wo wotstronjenje škodow. Mjez druhim je Elias Lehmann móst lěta 1674 sporjedźeć dał. Jeho inicialej stej hromadźe z lětoličbu do kamjenja zadypanej, štož je dźensa na sewjernym boku mosta widźeć.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND