Budyšin (CS/SN). Dźesać zajimcow wobdźěli so sobotu na informaciskim zarjadowanju w Budyskim Kamjentnym domje, na kotrymž rozłožichu čłonojo wobydlerskeje iniciatiwy „Budyšin wostanje pisany“ móžnosće, kmótřistwo za ćěkancow přewzać. Při tym so wujewi, zo su w domach za požadarjow azyla tuchwilu přewažnje młodźi mužojo, ale kmótřistwo přewzać chcedźa předewšěm žony. Ke kmótřistwu dóńdźe sobotu mjez jeničkim muskim zajimcom a syriskim ćěkancom, kiž je bjez žony, za to pak ze swojim wosomlětnym synom w Němskej.