Reje a swjedźenje wokoło meje

póndźela, 09. meje 2016
artikl hódnoćić
(0 )
W třoch starobnych skupinach su holcy a hólcy sobotu w Kukowje wokoło meje rejwali, hdźež jim wjele ludźi přihladowaše.  Foto: Feliks Haza W třoch starobnych skupinach su holcy a hólcy sobotu w Kukowje wokoło meje rejwali, hdźež jim wjele ludźi přihladowaše. Foto: Feliks Haza

Nalětni nałožk na mnohich wsach dostojnje přihotowali a přewjedli

Pančicy-Kukow (SN/MWj). Jara wjele ludźi je sobotu do Kukowa přišło a doži­wiło, kak tam dohromady 40 porow w třoch starobnych skupinach wokoło meje rejuje. Mjez mjeńšimi dźěćimi bě Janek Pjetaš najspěšniši a wuzwoli sej Lotu­ Pjetašec za kralownu. Hanka Clausenec a Fabian Ledźbor běštaj mejski por wjetšich dźěći a Jan Bětnar jako najspěšniši młodostny wuzwoli sej Alenu Bětnarjec za kralownu. Wječor knježeše wulkotna zabawa z kapału SerBeat. Młodźina předstaji znowa serbsko-němski program a pokaza w nim samo erotisku reju muži. Tež wčera bě cyły dźeń wjele ludźi na Kukowskim swjedźenišću, dopołdnja na rańšim piwku z Chróšćanskimi muzikantami a popołdnju na programje Smjerdźečanskich rejwarjow a dźěći Pančičanskeje pěstowarnje. Dźakowano ně­hdźe 40 pomocnikam wokoło Olivera Vaceka, Norberta Walichta a Tobiasa Heichela bě Kukowske mejemjetanje znowa kaž wjesny swjedźeń.

wozjewjene w: Lokalka

Galerija

dalši wobraz (1) dalši wobraz (2)
Runje tak kaž na mnohich dalšich wsach běchu so k mejemjetanju tež w Ćisku holcy narodnu drastu woblekli (nalěwo). Třicety raz su mejemjetanje w Koslowje přewjedli. Marcel Kupka bě tam najspěšnišo při wjeršku. Foto: Martina Arlt/Feliks Haza
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND