Wobydlerjo Miłoraza dlijenje politiki a Vattenfalla kritizuja

Trjebin (AK/SN). Nastupajo brunicowu jamu Wochozy II nadźija so Trjebinska gmejna spěšneho rozsuda. Tole podšmórny wjesnjanostka Kerstin Antonius (Trjebinske wolerske zjednoćenstwo) na wčerawšim­ posedźenju gmejnskeje rady. „Najhórša je wobstajna njewěstosć. Mnozy situaciju njeznjesu“, rjekny Antonius po rozprawje dr. Wolfganga Rollanda z energijoweho koncerna Vattenfall. Wón radźićelam rozłoži, kak ma po přewzaću brunicoweje sparty přez čěski koncern EPH dale hić.