Wjele lět měješe Drježdźanske wodosportowe towarstwo swój domicil při Hórnikečanskim jězoru. Dokelž pak tón na dlěši čas wobšěrnje saněruja, sportowcy přećahnu. To pak ma jenož přechodnje być.
Łaz (AK/SN). Ze swojeho treningoweho terena při Hórnikečanskim jězoru móže Drježdźanske wodosportowe towarstwo přechodnje na sewjerny pobrjóh Třižonjanskeho jězora přećahnyć. Za to je Łazowska gmejnska rada tele dny wažne wuměnjenje tworiła. Jednohłósnje rozdachu radźićeljo tři nadawki w hódnoće dohromady 240 000 eurow za nowotwar towarstwoweho domu.