Tuchwilu sobu najzajimawše twarnišćo dwurěčneje kónčiny je bjezdwěla nowa Chróšćanska pěstowarnja. Wonkownje napadnje trochu njezwučena forma domu,­ nutřka pak spjelnja wón zajimawe­ funkcije. Serbske Nowiny su so po twarnišću trochu rozhladowali.

Chrósćicy (SN/MWj). Pěstowarnja njeje jednoswójbny dom. Při planowanju „Chróšćan kołća“ měješe architekt Marko Dźisławk tuž wjace swobody; a što je při tym wuskočiło, je na kromje Chrósćic hižo­ wočiwidne. Płona třěcha a lute „kulojte róžki“ su wonkowne znamjo noweho dźěćaceho dnjoweho přebywanišća w nošerstwje Serbskeho šulskeho towarstwa. Wjesnjanosće Markej Klimanej (CDU) so tale forma runje tak lubi kaž wjetšinje gmejnskich radźićelow. Wothladajo wot maličkosćow njejsu wo cyłkownym koncepće dołho diskutowali.