Skutki lubosće njezabyte

srjeda, 01. junija 2016
artikl hódnoćić
(0 )
Zaramikowany wobraz Worklečanskeje kapałki přepoda wjesnjanosta Franc Brusk (CDU) wčera knježnam z rjadu Božeje před widźiwosće, z kotrymiž so wjesnjenjo z mejskim nyšporom a zhromadnym kofejom rozžohnowachu.  Foto: Alfons Handrik Zaramikowany wobraz Worklečanskeje kapałki přepoda wjesnjanosta Franc Brusk (CDU) wčera knježnam z rjadu Božeje před widźiwosće, z kotrymiž so wjesnjenjo z mejskim nyšporom a zhromadnym kofejom rozžohnowachu. Foto: Alfons Handrik

Wjes so ze sotrami z rjadu Božeje předwidźiwosće rozžohnowała

Worklecy (aha/SN). „Wšo ma swój čas. Rjany bě čas z wami, tu w kapałce Božu mšu swjećić a zhromadnje so modlić. Swój čas we Worklecach sće so swěru starali wo chorych a wšón čas z wami bě nam wobohaćenje. Z wami so rozžohnujo wěmy, zo naš kruće zwjazowacy přećelski poćah wostanje“, praji wčera popołdnju farar dr. Daniel Dzikiewicz na mejskim nyšporje we Worklecach.

W połnje wobsadźenej kapałce rozžohnowachu so Worklečenjo na dwurěčnym nyšporje z tamnišimi sydom sotrami z rjadu Božeje předwidźiwosće. Mjeztym zo poda so pjeć z nich po sobotnym oficialnym rozžohnowanju do maćerneho domu w Münsteru, wostanjetej dwě z nich w Serbach a přesydlitej so do Domu swj. Ludmile w Chrósćicach.

Dr. Beno Wałda hódnoćeše na kóncu nyšpora woporliwe skutkowanje sotrow, při čimž njeje wotpohladnje słowa styskniwosće a tyšnoty do srjedźišća stajił, ale słowa dźaka­ a připóznaća.

wozjewjene w: Lokalka

Galerija

dalši wobraz (1) Hanka Handrikowa a Monika Šołćina so w mjenje towarstwa Naša knjeni na lipje Worklečanskim sotram za jich skutkowanje dźakowaštej.
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND