Róšty najwobšěrniši nadawk

srjeda, 08. junija 2016
artikl hódnoćić
(0 )
Patrick Kraft a jeho kolegojo z durinskeje róštytwarskejeje firmy tuchwilu Budysku Bohatu wěžu zaróštuja. Jeje třěšna kon strukcija ma so ponowić, nimo toho cyłu wěžu potom hišće wobarbja.  Foto: Carmen Schumann Patrick Kraft a jeho kolegojo z durinskeje róštytwarskejeje firmy tuchwilu Budysku Bohatu wěžu zaróštuja. Jeje třěšna kon strukcija ma so ponowić, nimo toho cyłu wěžu potom hišće wobarbja. Foto: Carmen Schumann

Budysku Bohatu wěžu wobšěrnje saněruja a znowa wobarbja

Budyšin (SN/MWj). 25 lět po poslednim saněrowanju je Budyska Bohata wěža znowa wulke twarnišćo. Přichodne šěsć tydźenjow ju dospołnje zaróštuja. Ně­hdźe spočatk awgusta so potom poprawne twarske dźěła započnu. Mjez druhim dóstanje wěža nowu třěšnu konstrukciju z wołoja. Tuchwilu ma třěcha wobmjetk, přez kotryž so nastajnosći włóžnota předobywa, rozłoži dźensa Jobst Jaekel z měšćanskeho twarskeho zawoda nowinarjam. Je to jenička wěža w Budyšinje, kotraž­ njeje z metalom abo cyhelemi zakryta. Dale wuměnja wjerch pod wjerškom a špundowanje nad wuhladnišćom, zatwarja štyri nowe wokna a wuporjedźa błyskowód. Skónčnje wěžu wobarbja. Nowa barba budźe potom trochu ćmowša, štož pomnikoškitnym před­pisam lěpje wotpowěduje. Dohromady płaći ponowjenje křiweje wěže 380 000 eurow. Za to je 160 000 eurow spěchowanskich srědkow přizwolenych, zbytk zapłaća ze swójskich­ srědkow a ze sta­roměšćanskeho konta, financowaneho z darow.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Sobotu, 17. febraura,  měješe lětuša inscenacija „Paradiz w dobrej stwě“ Němsko-Serbskeho ludoweho dźiwadła na hłownym jewišću w Budyšinje premjeru. Tule podawamy wam někotre fotowe impresije z přemjerneho předstajenja a z premjerneho swjedźenja. Při

nowostki LND