800 ludźi na Gig-festiwalu było

póndźela, 11. julija 2016
artikl hódnoćić
(0 )
Křesćanski festiwal Gig je kónc tydźenja mnohich wěriwych z tu-a wukraja na koncerty a dalše zarjadowanja do Róžanta wabił, tež rjadniske sotry. Foto: Clemens Šmit Křesćanski festiwal Gig je kónc tydźenja mnohich wěriwych z tu-a wukraja na koncerty a dalše zarjadowanja do Róžanta wabił, tež rjadniske sotry. Foto: Clemens Šmit

God is good (Gig) – pod tymle hesłom wotmě so kónc tydźenja na łuce blisko Róžeńčanskeje cyrkwje křesćanski festiwal­ za młodźinu a swójby. Hižo pjatk běchu prěnje zhromadne zarjadowanja­ wěriwych, sobotu a wčera slědowachu cyły dźeń dalše.

Róžant (cš/SN). Nimo dźěłarničkow, kotrež zaběrachu so z načasnymi temami, kaž ze seksualitu w zwisku z nabožinu abo tež powšitkownje z młodźinskim wuwićom, wabjachu wosebje hudźbne koncerty křesćanow a zajimcow na swjedźensku łuku při Róžeńčanskej hnadownej cyrkwi. Při tym zastupowaše kóždy wuměłc wosebitu powěsć. Tak zasadźeja so wěriwi bikerojo z USA přećiwo wotehnaću. Kaž organizatorojo zdźěla, je so dohromady něhdźe 800 ludźi – mnozy tež z Pólskeje, Čěskeje a ze Šwicarskeje – na kónc tydźenskich zarjadowanjach wobdźěliło. Wuhotowało bě festiwal nowozałožene towarstwo Ostwind, wokoło hłowneho iniciatora patra Paulusa. Wone bě tež hižo na Alojsowym festiwalu loni spočatk julija w Radworju sobu skutkowało.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND