Piknik na Horach w přirodźe

štwórtk, 21. julija 2016
artikl hódnoćić
(0 )
Mały lutk ze susodstwa Max Köhler je čłonow Wojerowskeho kulturneho zwjazka, na čole Anngret Gläsel, po starodawnym serbskim wašnju z chlěbom a selu před Patokec brjóžnju na Horach witał. Foto:  Heinz Hirschfeld Mały lutk ze susodstwa Max Köhler je čłonow Wojerowskeho kulturneho zwjazka, na čole Anngret Gläsel, po starodawnym serbskim wašnju z chlěbom a selu před Patokec brjóžnju na Horach witał. Foto: Heinz Hirschfeld

Čłonojo Wojerowskeho kulturneho zwjazka 250 lět staru bróžnju wopytali

Hory (HH/SN). Na dźěłowym planje Wojerowskeho kulturneho zwjazka steješe za měsac julij piknik zwonka města, w přirodźe. Tak zetka so něhdźe 25 čłonow při Patokec bróžni na Horach. Swoju jědź běchu sej sobu přinjesli, wot kofeja hač k tykancej a solotjam. Birgit Patokowa, kotraž bróžnju – swědk to stareje łužiskeje ćěsliskeje wušiknosće – wobhospodarja, hosći wutrobnje witaše. A powědaše jim tójšto zajimaweho wo 1768 natwarjenej kładźitej bróžni. Nimo toho je mały lutk hosći witał, poskićejo jim chlěb lutkow w swojej typiskej drasće. Horjanka tež přeradźi, zo běchu hač do lěta 1970 baćony na bróžni hnězdźili. We Łužicy dźě dźerži so přiwěrk: Hdyž baćon na třěše hnězdźi, błysk do domu njedyri. W bróžni samej dopomina mnoho na serbske burske tradicije. Tak prezentuje so tam pokazka najrjeńšich jutrownych jejkow. Tež Lotar Balko, znaty a husto počesćeny debjer jutrownych jejkow, je tam swoje slědy zawostajił. Pod typiskimi módroćišćemi steja wšelake wjetše a mjeńše kołwróty.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND