Na kóncu kóždy z rybu domoj šoł

wutora, 26. julija 2016
artikl hódnoćić
(0 )
Hordźe pokazuje Fritz swój wudźenski wuspěch. Ronny Mrosack, jedyn ze zamołwitych Kulowskeho wudźenskeho lěhwa, so sobu wjeseli. Wšako tónle „pyšny eksemplar“ tři kilogramy waži.  Foto: Heinz Hirschfeld Hordźe pokazuje Fritz swój wudźenski wuspěch. Ronny Mrosack, jedyn ze zamołwitych Kulowskeho wudźenskeho lěhwa, so sobu wjeseli. Wšako tónle „pyšny eksemplar“ tři kilogramy waži. Foto: Heinz Hirschfeld

To bě hižo štwórty dźěćacy a młodźinski camp, kotryž su zawčerawšim, njedźelu, při Kulowskim cyhelowym haće zakónčili. Sydomnaće holcow a hólcow móžeše so tam tři dny wudźenju wě­nować.

Kulow (HH/SN). Samo nócne wudźenje z wobswětlenjom, grilowanski wječor ze wšěmi móžnymi wudźenskimi pryzlemi, zhromadny přihot a warjenje gulaša w kotole, wudźenska teorija jako dalekubłanje, małe płuwanske wubědźowanja a wudźenje bjez kónca. To bě lětuši dźěćacy a młodźinski camp wot 22. do 24. julija pod nawodom Kulowskeho wudźenskeho towarstwa hromadźe z Wojerowskim towarstwom „Hechtgeschwader“. Wot Ronnyja Mrosacka a Stephana Paula – wonaj staj w Kulowje a Wojerecach za młodych wudźerjow zamołwitaj – je zhonić, zo měješe lěhwo hnydom wjacore zaměry. „Zwjazujemy tak teoriju z praksu. Lěpšina při tym je, zo móža wobdźělnicy to nawuknjene hnydom nałožować. Nimo toho móžachu so hišće raz za tym a tamnym woprašeć, štož zrozumili njejsu“, Ronny Mrosack rozkładuje. „Na třoch dnjach je so towarstwo skrućiło. A přiběrała je česćownosć před přirodu, w kotrejž so pohibujemy“, Stephan Paul dodawa.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND