Pjenjezy tuchwilu najlěpša pomoc

štwórtk, 01. septembera 2016
artikl hódnoćić
(0 )
Z wjele lubosću so w Błohašečanskej zwěrjatowni wo psy, kóčki a dalše zwěrjata staraja. Njedźelu změja tam dźeń wotewrjenych duri.  Foto: Fotostudio Schmidt Z wjele lubosću so w Błohašečanskej zwěrjatowni wo psy, kóčki a dalše zwěrjata staraja. Njedźelu změja tam dźeń wotewrjenych duri. Foto: Fotostudio Schmidt

Na dźeń wotewrjenych duri přeproša njedźelu, 4. septembra, Błohašečanska zwěrjatownja. Tam nadźijeja so prawje wjele wopytowarjow, přetož bědźa so z napjatym połoženjom.

Błohašecy (SN/MWj). Wonkownje wuprudźa Błohašečanska zwěrjatownja při statnej dróze S 100 runjewon měrny zaćišć. Na wulkim dworje lědma někoho wuhladaš, jenož někotry psy znazdala šćowkać słyšiš. Za kulisami pak maja sobudźěłaćerjo dosć starosćow, kaž čłonka předsydstwa zwěrinoškitneho towarstwa Nicole Schmidt přeradźa. Tuchwilu staraja so tam wo něhdźe sto kóčkow, wo dźesać psow a někotre dalše skoćata. Mjeztym zo je kapacita kóčkow wućežena, móhli hač do 30 psow přiwzać. To pak wokomiknje móžno njeje, dokelž maja ze zawjedźenjom minimalneje mzdy mjenje sobudźěłaćerjow. „Smy dźě jeničce wot darow žiwi a njemóžemy sej nětko hižo telko sobudźěłaćerjow dowolić. Tež spěchowanske móžnosće su wobmjezowane“, praji Nicole Schmidt.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND