Nowe Město (JoS/SN). Po skromnych započatkach je so tak mjenowany zeleny swjedźeń hońtwjerskeho drustwa Nowe Město nad Sprjewju z ludowym swjedźenjom za insiderow stał. Započeli běchu z dwulětnym zetkanjom hajnikow při hajnkowni. Po tym zo bě z europskim zetkanjom Nowych Městow we wsy nahladne swjedźenišćo nastało, je hońtwjerske drustwo rozsudźiło, nowu městnosć tež za sebje wužiwać a so wšitkim wobydlerjam wotewrěć. To ma mjeztym dobru tradiciju, kaž so minjeny kónc tydźenja­ znowa pokaza.