Wobhospodarjenje lěsa načinja Rakečanskej gmejnje deficit
Rakecy (JK/SN). Wobšěrne informacije wo wosebitosćach a tuchwilnym stawje spěchowanja we wobłuku programa Leader dóstachu Rakečanscy gmejnscy radźićeljo na swojim wčerawšim posedźenju. Manager Leaderoweho regiona Hornjołužiska hola a haty Rudolf Rychtar poda radźićelam přehlad wo nowosćach aktualneho programa kaž tež wo tym, kotre projekty so na kotre wašnje spěchuja. Někotři radźićeljo chcychu wědźeć, kotre konkretne móžnosće spěchowanja na dobro gmejny su. Regionalny manager přilubi, z nimi wo namjetowanych projektach rěčeć a dalše informacije k tomu dodać.