Bóšicy (aha/SN). Wot lěta 1998 wužiwa Stanij Ryćer před šěsć lětdźesatkami wot Bóščanskeje gmejny a Wětrowskeje šamotownje zapołoženy kupanski hat za plahowanje rybow. 14. raz su je tam lětsa zjawnje wułójili. Po tym zo běchu rybarjo syć wupołožili, woni syłam zajimcow demonstrowachu, kak z małym kranom stajnje 75 kilogramow ryby ze syće do za to předwidźaneho basenka składuja. Kóždy wopytowar móžeše so wo dobrym słodźe karpow a pstruhow na městnje přeswědčić. Za to staj Mike Mißbach a Gabriel Šmit na 100 karpow – kóždy wažeše něhdźe pjeć kilogramow – a 400 pstruhow zarězałoj. Tež wjacore móžnosće dźiwinowych jědźow, praženych kołbaskow abo steakow sy sej k wobjedu we wulkim­ stanje popřeć móhł.