Serbska rozprawa Choćebuskej zhromadźiznje měšćanskich zapósłancow
Choćebuz (SN/at). Bjezwokrjesne město Choćebuz tči dale w přiwótřenym financnym połoženju a je wulce zadołžene. Najebać to pak je jako centrum serbskeho sydlenskeho ruma w Braniborskej za naležnosće našeho ludu wotewrjeny a tež pjenjezy přewostaja. To bě z lětušeje rozprawy wusłyšeć, kotruž je społnomócnjena za serbske naležnosće města Anna Kosacojc-Kozelowa wčera tamnišej zhromadźiznje měšćanskich zapósłancow wo swojim lětušim skutkowanju podała. Jako hosćej běštaj předsyda Rady za naležnosće Serbow Braniborskeje Torsten Mak a zastupowacy jednaćel Domowiny Marcus Kóńcaŕ přitomnaj. Diskusija wo rozprawje njeje so bohužel wuwiła.
