Młodźinski klub župje rady pomha

štwórtk, 27. oktobera 2016
artikl hódnoćić
(0 )
Połnej ruce dźěła změja čłonojo Chróšćanskeho młodźinskeho kluba jutře a sobotu w „Jednoće“, zo bychu tam hejsowarjam rjanej wječoraj wuhotowali.  Foto: Feliks Haza Połnej ruce dźěła změja čłonojo Chróšćanskeho młodźinskeho kluba jutře a sobotu w „Jednoće“, zo bychu tam hejsowarjam rjanej wječoraj wuhotowali. Foto: Feliks Haza

Chróšćanskemu młodźinskemu klubej při­słuša něhdźe 40 čłonow w starobje 15 do 30 lět. Předsyda cyłka je Tomaš Dučman. Jutře a sobotu wohotuja woni w „Jednoće“ wulkej swjedźenjej.

Chrósćicy (SN/mwe). Před lětomaj je Chróšćanski młodźinski klub Kamjenskej župje „Michał Hórnik“ přistupił. Njezadźiwa tuž, zo jako towarstwo zapisane zhromadźenstwo župje kaž při wuhotowanju župneje kermuški a posłužowanju tamnišich hosći rady pomha. Wobydlerjo w gmejnje su młodostnym tohorunja dźakowni za pomoc, kaž při rjedźenju Kopšinjanskeho hrodźišća.

Swój domicil ma klub w něhdyšim Chróšćanskim žłobiku. Tam so młodostni nimale wšědnje zetkawaja, tak su durje prawidłownje wotamknjene. Tež Haslowčenjo, Baćonjenjo, Pozdečenjo a přećeljo z Prawoćic a Noweje Wjeski rady do Chrósćic­ jězdźa, zo bychu tam karty placali a při wšelakich hrach zabawnu zhromadnosć hajili. „Pola nas so serbsce rěči, mnozy znaja so ze šulskeho časa a wšitcy so derje znjesemy“, praji 22lětny Dominik Kral z Haslowa, kiž před­stejacej kónctydźenskej dnjej w Chróšćanskej „Jednoće“ sobu přihotuje.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND