Klóšterska bróžnja poswjećena

wutora, 01. nowembera 2016
artikl hódnoćić
(0 )
Na Kukowskim klóšterskim dworje poswjeći Pančičanski farar Tomaš Dawidowski wčera nowotwarjenu bróžnju. Wjele zboža je inspektorej klóšterskeho kubła Frankej Weigelej (nalěwo) mjez mnohimi tež sotra Lucija wupřała.  Foto: Měrćin Weclich Na Kukowskim klóšterskim dworje poswjeći Pančičanski farar Tomaš Dawidowski wčera nowotwarjenu bróžnju. Wjele zboža je inspektorej klóšterskeho kubła Frankej Weigelej (nalěwo) mjez mnohimi tež sotra Lucija wupřała. Foto: Měrćin Weclich

W přitomnosći abatisy klóštra Marijineje hwězdy Philippy Kraft, dalšich rjadniskich sotrow a hosći je farar Tomaš Dawidowski wčera dopołdnja nowonatwarjenu bróžnju na Kukowskim klóšterskim dworje požohnował.

Pančicy-Kukow (SN/mwe). Ze zhroma­dnym paćerjom, kěrlušemi a žohnowanjom su wobydlerjo z Pančic-Kukowa, nawodnistwo klóštra Marijineje hwězdy kaž tež rjemjeslnicy nowotwarjenu bróžnju za ratarske mašiny poswjećili. Na małym swjedźenju spominachu na to, zo bě 3. oktobra 2009 něchtó nawječor bróžnju zapalił, na čož so twarjenje ze składom słomy a Schlafkec wowčernju dospołnje wotpali. Policija njezamó zapalerja bohužel wuslědźić.

„Dźensa, sydom lět po zapalerstwje, pak móžemy so wjeselić a dźakować. Naš wosebity dźak słuša sotram klóštra Marijineje hwězdy z režiju našeje abatisy Philippy Kraft, kotřiž su znowaza­rjadowanje tutoho rjaneho a wažneho twarjenja zmóžnili“, inspektor klóšterskeho kubła Frank Weigel při witanju podšmórny. Wšako je klóšter trěbne financne srědki přez swój ratarski zawod přewostajił.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND