Puste ležownosće na dobro wšitkich wobydlerjow wožiwić
Njebjelčicy (JK/SN). Hižo dlěši čas je Njebjelčanska gmejna wuspěšnje aktiwna na ekologiskim polu. Wosebje kónčina podłu Jaworskeje wody mjez Njebjelčicami a Miłoćicami kaž tež blisko Miłočanskeje žaby wo tym swědči. Wulki podźěl na mjeztym tež mjezynarodnje připóznatych naprawach ma fachowc za permakulturu Thomas Noack. Wón předstaji njedawno gmejnskej radźe nowu, wosebje w Awstriskej wuwiwacu so iniciatiwu „Jědźna gmejna“.