Wulke wudawki za zwuporjedźenje wjesneho wobswětlenja na dwěmaj městnomaj načinjeja zamołwitym w Njeswačanskej gmejnje tuchwilu šwarne hłowybolenje.

Njeswačidło (JK/SN). Hakle nětko, poslednjej měsacaj lěta, móže Njeswačanska gmejna ze schwalenym hospodarskim planom dźěłać, kaž zdźěli to zawčerawšim wjesnjanosta Gerd Schuster (CDU) radźićelam na jich posedźenju. Tak dołho hišće ženje čakali njejsu, zo by Budyski­ krajnoradny zarjad etat gmejny za běžne lěto schwalił. Mnohim dalšim komunam je so lětsa podobnje zešło. Najebać to pak su wuspěšnje dźěłali.