Bydlenja a fyzioterapija

póndźela, 21. nowembera 2016
artikl hódnoćić
(0 )

Do bywšeje Běłochołmčanskeje šule ma zaso žiwjenje zaćahnyć

Łaz (AK/SN). Na terenje bywšeje Běłochołmčanskeje zakładneje šule „Fritz Kube“­ ma klětu zaso žiwjenje zaćahnyć. Na swojim zašłym posedźenju je wjetšina Łazowskich gmejnskich radźićelow přihłosowała, komunalnu ležownosć z hódnotu 10 000 eurow předać. Nowy wobsedźer chce hłowne twarjenje na bydlenja z wobstajnym hladanjom přetwarić. W pódlanskim twarjenju ma fyzioterapija nastać.

Wot kónca šulskeho lěta 2010/2011 zakładna šula prózdna stała a zdźěla tež pod wandalizmom ćerpjeła. Minjene měsacy je stražowanska firma objekt škitała, dokelž bě Budyski wokrjes poskićił w nim njepřewodźanych małolětnych ćěkancow zaměstnić. Tole pak Běłochołmčenjo wotpokazachu.

wozjewjene w: Lokalka
Prošu přizjewće so, chceće-li komentar podać

nawěšk

  • Spěchowanski kruh za serbsku ludowu kulturu je 16. a 17. měrca mjeztym 28. serbske jutrowne wiki w Budyskim Serbskim domje wuhotował. Wiki běchu jara wuspěšne, tež nastupajo ličbu wopytowarstwa. Tule smy wam někotre fotowe impresije z wikow zestajeli

nowostki LND