Wobydlerjo Domu swj. Ludmile hnadypołne hody swjećili

Chrósćicy (SN/mwe). Kaž kóžde lěto je tež lětsa patoržichu popołdnju „personalny chór“ Chróšćanskeho Domu swj. Ludmile pod nawodom Gabriele Brězanoweje wobydlerjam serbske a němske hodowne spěwy zanošował. Tež ći z pjatnaće spěwarjow, kotřiž tón dźeń słužbu njemějachu, so rady do chóra zestupachu, zo bychu w rjenje wupyšenej hodownej rumnosći „swójbje staruškow a starcow“ hodowne poselstwo sposrěd­kowali. „Činimy to z lubosće k blišemu, dokelž začuwamy, zo to wobydlerjow starownje­ dušinje pozbudźa a zwjesela“, Gabriela­ Brězanowa w mjenje wšitkich spěwarjow zwurazni.