Mjenje ludźi w pjeć komunach

srjeda, 08. februara 2017
artikl hódnoćić
(0 )

Pančicy-Kukow (SN/MWj). Ličba woby­dlerjow w pjeć gmejnach zarjadniskeho zwjazka Při Klóšterskej wodźe je loni dale woteběrała. Tole wuchadźa ze statistiskeho přehlada, kotryž je předsyda zwjazka Měrko Domaška nětko wozjewił. Tak zličichu dohromady 7 103 wobydlerjow, lěto do toho bě jich 7 125 a w lěće 2014 hišće 7 149. Njepřetorhnje-li so tónle trend, móhła ličba woby­dlerjow za pjeć lět pod 7 000 spadnyć.

Mjeztym zo je w Chrósćicach, Pančičach-Kukowje, Worklecach a Ralbicach-Róžeńće loni mjenje ludźi hač 2015 by­dliło, bě jich w Njebjelčicach 15 wjace. To je wuskutk toho, zo bě tamniše wuwiće w kóždym nastupanju pozitiwne. Tak je so w Njebjelčicach 19 dźěći narodźiło, dźesać wjace hač lěto do toho. Dale je tam sydom ludźi zemrěło porno 17 w lěće 2015. 58 wosobow je do gmejny přićahnyło, štož je porno 29 w lěće 2015 nahladne stopnjowanje, přećahnyło pak je 55 ludźi, pjeć mjenje hač lěto prjedy.

Wjace porodow a mjenje zemrětych hač w lěće 2015 drje mějachu na přikład tež w gmejnje Ralbicy-Róžant, tam pak je na wšěch 66 wosobow gmejnu wo­pušćiło.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND