Horca faza probow zahajena

srjeda, 31. meje 2017
artikl hódnoćić
(0 )
Za lětuše Krabatowe swjedźenske hry su tele dny róle mjez lajskimi dźiwadźelni kami rozdźělili, a zamołwita za kostimy Sylvia Fenk je tule za Hannu-Elisu, Linu a Lieselottu (wotlěwa) hižo raz kostimy zestajała.  Foto: Ulrike Herzger Za lětuše Krabatowe swjedźenske hry su tele dny róle mjez lajskimi dźiwadźelni kami rozdźělili, a zamołwita za kostimy Sylvia Fenk je tule za Hannu-Elisu, Linu a Lieselottu (wotlěwa) hižo raz kostimy zestajała. Foto: Ulrike Herzger

Čorny Chołmc (UH/SN). Lěćo budźe na kromje Čorneho Chołmca znowa magiske – předewšěm w času wot 21. junija hač do 9. julija. Přetož to wotměja so na 15 wupředatych předstajenjach w Kra­batowym młynje wulce wočakowane 6. Krabatowe swjedźenske hry na přirodnym jewišću pod hołym njebjom. Potom smě so publikum zaso na stawiznu połnu lesće, magije a mystiki wjeselić.

Inscenacija pak njezměje znaty ramik zašłych lět. „Wšako je žiwjenje druhdy hinaše,­ hač sej zwoprědka mysliš“, praji direktor swjedźenskich hrow Peter Siebecke. Přiwšěm wostanu wón, wuměłstwowy nawoda Alexander Siebecke a režiser ­Andreas Hüttner swěrni hesłu wuspěšneho koncepta: „Wjes hraje dźi­wadło“. W lětušim kruchu „Krabat – na rozpuću wosuda“ je nimo profesionalnych dźiwadźelnikow něhdźe 80 domoródnych a regionalnych lajskich dźiwadźelnikow zastupjenych. Woni předstajeja typiske wjesne žiwjenje a serbske nałožki, kotrež spožčeja Krabatowym swjedźenskim hram wosebity flair.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND