W swojej lětušej dowolowej seriji předstajamy wosoby, kotrež na někajkežkuli wašnje stawizny zachowuja, zo starožitnosće zběraja a je zdźěla zjawnosći spřistupnjeja.
Mnozy Suchec porjedźernju awtow w Róžeńće znaja a sej přećelne serbske posłužowanje runje tak waža kaž kwalitatiwne dźěło. Porno tomu jenož mało ludźi wě, zo je sej Jan Suchi w małym tykowanym domčku zboka modernje wuhotowaneje porjedźernje zarjadował mały muzej wosebiteho razu: přehladku motorskich najwšelakorišich typow, kotrež dopominaja na wuwiće dwukolesatych jězdźidłow.
