Prěnje drustwowe zahrodnistwo města wuhasnjene

srjeda, 12. julija 2017
artikl hódnoćić
(0 )
Poslednje zbytki prěnjeho drustwoweho zahrodnistwa Budyšina su minjene dny na Špitałskich łukach spotorhali.  Foto: Eberhard Schmitt Poslednje zbytki prěnjeho drustwoweho zahrodnistwa Budyšina su minjene dny na Špitałskich łukach spotorhali. Foto: Eberhard Schmitt

Budyšin (EbS/SN). Na Špitałskich łukach w Budyšinje zminychu so tele dny poslednje zbytki něhdy prěnjeho drustwoweho zahrodnistwa sprjewineho města. Zahrodniskeje produkcije běchu so hižo před wjacorymi lětami wzdali a su so jenož hišće na wikowanje koncentrowali. Tak zhubichu so w zašłosći hižo techniske připrawy kaž tež škleńčane a folijowe rostlinarnje. Loni zwosta jenož hišće zarjadniske twarjenje, kotrež je nětko to­horunja spotorhane.

Započało bě so wšitko 1958. Tehdy běchu tři małe zahrodnistwa Exner, Faworka a Wehle prěnje zahrodniske produkciske drustwo (GPG) Budyskeho wo­krjesa załožili. Cyłkownu płoninu 6,5 hektarow wobhospodarješe 18 drustwownikow. GPG „Morgensonne“, kaž je mjenowachu, wuwi so w běhu lět na najwažni­šeho producenta zažneje zeleniny, kwětkow a rostlin wokoło Budy­šina. Nimo tohole drustwa eksistowaštej w měsće měšćanske­ zahrodnistwo na Cyhelskim nasypje a GPG „Budissin“ ze sydłom na Wjelećanskej.­ Dale dźěłachu hišće wjacore priwatne zahrodnistwa kaž Hrjehorjec,­ Steglichec a Pelzec, kotrež hač do dźensnišeho wobsteja.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND