Přichod haloweje kupjele dale njerozrisany

póndźela, 13. nowembera 2017
artikl hódnoćić
(0 )
Za přichod Kamjenskeje haloweje kupjele dyrbja nuznje konsens mjez městom a wokrjesom namakać.  Foto: Uwe Menschner Za přichod Kamjenskeje haloweje kupjele dyrbja nuznje konsens mjez městom a wokrjesom namakać. Foto: Uwe Menschner

Kamjenc (UM/SN). „Zajědojćene jabłuko“, „trojaniski kón“ – tajke a hinaše wobrazy­ wužiwachu na zašłym posedźenju Kamjenskeje měšćanskeje rady wyši měšćanosta Roland Dantz (njestronjan) a wjacori měšćanscy radźićeljo, zo bychu swoje měnjenje k namjetej Budyskeho wokrjesa nastupajo Kamjensku halowu kupjel zwuraznili. Wokrjes chcyše městu kupjel za jenički euro přewostajić. Na druhim boku by město potom lětnje 200 000 eurow připłaćić dyrbjało, tak wulka je diferenca mjez wudawkami a dochodami, rozłoži financna decernentka města dr. Antje Koch.

Přidružili bychu so něhdźe tři miliony eurow za nuznje trěbnu rekonstrukciju kupjele. Za to by město kredit brać dyrbjało, štož by měšćanski etat na dlěši čas z lětnje něhdźe 120 000 eurami poćežowało. By-li město kupjel přewzało, by wone potajkim lětnje 320 000 eurow přidatnych wudawkow měło. Hižo bjez kupjele rozrosće diferenca w měšćanskim etaće hač do lěta 2020 na 1,5 milionow eurow, praji wyši měšćanosta. Z kupjelu by to hišće­ raz milion eurow wjace było.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Mjeztym 5. dźěłarničku pod hesłom „Serbska narodna drasta“ je Kamjenska župa „Michał Hórnik“ 24. apryla na Chróšćanskej farje přewjedła. Tónraz wěnowachu so zhotowjenju a rjedźenju čěpcow a bantow. Předstajiła je dźěła něhdźe 20 zajimčam wěcywustojna

nowostki LND