Ćežke časy za měšćansku kasu

srjeda, 29. nowembera 2017
artikl hódnoćić
(0 )

Při nastajenju hospodarskich planow w hornjołužiskich komunach so wotbłyšćuje, zo změja so wone přichodny čas z pjenježnymi starosćemi bědźić. Najnowši přikład su Wojerecy.

Wojerecy (AK/SN). Město Wojerecy dyrbi so na ćežke hospodarske planowanje nastajić. Tole zdźěli wyši měšćanosta Stefan Skora (CDU) na wčerawšim posedźenju měšćanskich radźićelow. Hižo nětko maja Wojerecy deficit 6,6 milionow eurow. Hač do lěta 2020 wón dale rozrosće. Etat, kotryž hodźał so schwalić, město tuchwilu předpołožić njemóže.

Předewšěm přiražki za pěstowarnje rozrostu. W tymle wobłuku dyrbja přichodne lěta 8,8 milionow eurow wjace wudać. Na tamnym boku liča z tym, zo změja dwaj milionaj eurow mjenje dochodow z dawkow. Tež klučowych připokazanjow budźe nimale 870 000 eurow mjenje, Skora připowědźi. Po jeho słowach to woznamjenja, zo hač do lěta 2020 žane přidatne srědki za wotpłaćenje kreditow njezměja a tež žane srědki za swójske inwesticije.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND