K měrej bjez bróni – dźe to?

srjeda, 28. februara 2018
artikl hódnoćić
(0 )

Smochćicy (CRM/SN). Tema druheho wječora lětušeho ekumeniskeho póstneho seminara w Domje biskopa Bena bě „Měr zaručić bjez bróni“. Tomu napřećo steješe prašenje: „Dźe to?“ Impulsy k tomu podaštaj fararka Budyskeje ewangelskeje tachantskeje wosady dr. Maria Heinke-Probst a duchowny kubłanskeho domu dr. Michael Kleiner. Čehodla pak su akcije bjez namocy wuspěšniše a zdobom wunošniše hač z brónjemi, wujasni na (njewočakowano) přeswědčiwe wašnje fararka Eva Hadem z Ekumeniskeho centruma w Magdeburgu, hdźež wěnuje so wona specielnje dźěłu za měr. W swojich wuwjedźenjach złožowaše so teologowka předewšěm na wobšěrnje zapołoženu a wysoko hódnoćenu wědomostnu studiju, kotruž běštej před někotrymi lětami Erica Chenowerth a Maria J. Ste­phan předpołožiłoj. Wonej běštej 300 zběžkow a rewolucijow na wjacorych kontinentach přepytowałoj. Tak dóńdźe- štej k wuslědkej, zo je wjace ludźi na akcijach wobdźělenych, hdźež žanu namóc njenałožuja. Tam su tohorunja ludźo z najwšelakorišich worštow wobydlerstwa wobdźěleni. To zaruča fleksibelne taktěrowanje.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND