Město dyrbi wjace za image jako srjedźišćo Serbow činić

Budyšin (CK/SN). Zhromadne žiwjenje Němcow a Serbow je w Budyšinje samo­zrozumliwe. Tole posudźuje dźěłowy kruh za serbske naležnosće měšćanskeje rady. A tola so jeho rěčnica dr. Susanne Hozyna „hańbuje“. Takle komentowaše wona wčera w jónu wob lěto předpoło­ženej rozprawje gremija měšćanskim radźi­ćelam fakt, zo so jeje město 2017 na wubědźowanju „Rěčam přichilena kom­una“ wobdźěliło njeje. Runje Budyšin a z tym město, w kotrymž ma wot spočatka 1950tych lět wjele serbskich institu­cijow swoje sydło, čehoždla tež mnozy němscy wobydlerjo sprjewine město jako stolicu Serbow wobhladuje.