Koćina (aha/SN). Wopytowarjow w połnje wobsadźenym wulkim stanje a mnohich dalšich hosći zwonka njeho witaše minjenu njedźelu Volkmar Korch we wobłuku Koćinskeho wjesneho swjedźenja na mjeztym 21. kotoł pisaneho. Jako je wjesny klub loni pod nawodom Marje Latoweje tajki program 20. raz přewjedł, měješe to poprawom posledni być. Po 15 lětach bě wona zamołwitosć za njón z rukow dała. Jeje naslědnik André Szczepanski pak je dobreho wothłosa dla z dalšimi čłonami wjesneje rady rozsudźił tradi­ciju dale wjesć.