Młoda hudźba na Romantice

póndźela, 05. nowembera 2018
artikl hódnoćić
(0 )
Nimo rejow a spěwow předstajichu sobotu před Budyskim Serbskim domom modowu  přehladku tobołow z módroćišćom.  Foto: SN/Maćij Bulank Nimo rejow a spěwow předstajichu sobotu před Budyskim Serbskim domom modowu přehladku tobołow z módroćišćom. Foto: SN/Maćij Bulank

Budyšin (SN/MWj). Wulke syły ludźi tłóčachu so zawčerawšim po Budyskich hasach. Za lětuši nakupowanski a dožiwjenski wječor Romantika běchu wonkowne wuměnjenja ze suchim a přijomnym wjedrom přewšo dobre. Wšo druhe bě Budyske nutřkoměšćanske towarstwo ze swojimi njeličomnymi partnerami wuběrnje spřihotowało: wobswětlene fasady, swěćace so hwězdy w štomach, widejowe animacije na wjacorych wěžach, młode holcy w frinkolacych kostimach, live-hudźba na hasach a w někotrych wobchodach, swěčki, smólnicy a lěhwowe wohenje atd.

Jedne ze srjedźišćow bě Póstowe naměsto před Serbskim domom. Tu mě­ješe Radijo Satkula jewišćo natwarjene a poskićeše přihladowarjam młodu hudźbu. Tak wustupi z telewizijneho wusyłanja „The Voice kids“ znaty Gabriel Mommer. Wón njespěwaše jenož němsce a jendźelsce, ale tež jako premjeru swój serbski spěw, wšako ma z wowku Majku Kowarjec serbske korjenje. Dale připowědźi moderatorka Katka Pöpelec spěwarja Christopha Cyža. Nimo toho dožiwi serbski a němski publikum modowu přehladku tobołow z módroćišćom a Mühlmannec rejwansku šulu.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND