Drěwcy (AK/SN). Jako prěnja wjes we Łazowskej gmejnje maja Drěwcy nětko němsko-serbski system pućnikow za kolesowanske šćežki. Čłonojo wjesneje rady a domizniskeho towarstwa su je tele dny na štyrjoch městnach připrawili. „Smy wjacore lěta wo to wojowali. Stajnje pak pobrachowachu pjenjezy kaž tež wola, a nichtó so zamołwity nječuješe“, měni čłon wjesneje rady Werner Bunk, kiž so tohorunja w domizniskim towarstwje angažuje.