Strowotniski zarjad njemóže qr-kody wustajeć, w apotekach to dźe
Budyšin (SN/JaW). Koronakriza nas dale přewodźa, zdźěla samo chětro poćežuje. Stajnje zaso zamołwite instancy nowe postajenja wukazuja. Tak njemóžeš so hižo bjeze wšeho wšudźe pohibować, mjez druhim w Braniborskej. W susodnym zwjazkowym kraju njemóžeš bjez digitalneho šćěpjenskeho certifikata, tak mjenowaneho qr-koda, wjac we wobchodach, w kotrychž dyrbja płaćiwe prawidło 2G dokładnje kontrolować, nakupować. Ma-li zajimc abo zajimča jenož dokument bjez qr-coda abo šćěpjenski wupokaz při sebi, jemu abo jej přistup zapowědźeja. Přičina je, zo chcedźa znjewužiwanju a falšowanju dokumentow zadźěwać.
