Wulke fotowoltaikowe připrawy widźi gmejnska rada jako šansu
Njebjelčicy (JK/SN). Njebjelčanskej gmejnje su naprawy a poskitki, kotrež komunalne dochody zawěsća abo zwyša, tučasnje jara witane. K tajkim słuša poskitk předewzaća BußSolar z Münsterlanda. Tute předewzaće twari wulke fotowoltaikowe připrawy na ležownosćach a dodawa tam produkowanu milinu do wobstejacych bliskich syćow.
