Hodowne widejo-poselstwo krajneho rady wo ćěkancach zamyla

Budyšin/Drježdźany (SN/mb). Na facebook-stronje „Udo Wićaz – naš krajny rada za Budyšin“ je politikar CDU z widejom njezwučene „hodowne poselstwo“ rozšěrił. Nawjazujo na to, zo bě wokrjesny sejmik jeho namjet wotpokazał, dalšich azyl pytacych we Wojerecach centralnje zaměstnić, wón – „z wotpohladom do hód“ – nic jenož na prašenja reaguje, hač budu sportowe hale z nuzowym kwartěrom: „Njeje naš wotpohlad, sport, hač na šuli abo we wólnym času, za tutu azylowu politiku krawić dać (...) Tež nochcu puć kročić, ludźi, kotřiž k nam přińdu a ani našu kulturu ani naše regule njeznaja, nětko we wjaceswójbnych domach w swobodnych bydlenjach zaměstnić a za to, myslu sej, socialny měr na hrački stajić. (...) Njejsym dotal za problem, kiž nas do rukow hlada, rozrisanje w detailu namakał (...