Schrift vergrößern
Skupina młodych serbskich žonow pod mjenom ,,Serbske Hanki“ je so lětsa druhi raz na žonjacym póstniskim ćahu wobdźěliła. Runja druhim žonam běchu wone za swoje kostimy wjele idejow a dźěła inwestowali. Konstantin Hrjehor
Kulow. Z póstniskim ćahom žonow je 317. karnewalowa sezona w Kulowje sobotu dalši wjeršk docpěła. Po dwěmaj lětomaj přestawki móžeše pisany ćah zaso bjez wobmjezowanjow po měsće ćahnyć. Najebać pancate wjedro so tójšto přihladowarjow do Kulowa poda. Bě jich wjacore tysac ludźi, kiž do póstniskeho města přichwatachu. Centrum bě ćaha dla za jězdźidła zawrjeny, tak zo bě Kulow dokoławokoło nimale dospołnje z awtami zatykany.
Skupina Sulšečanskich ,,Młynskich myšow“ bě so na originelne wašnje předrasćiła jako Halštrowscy kozakojo .
Nowowješćanki běchu lětsa šikwane kwětki. Wone napadnychu ze swojimi wulkimi čerwjenymi suknjemi w formje łopješkow.
Pućowanje po swěće je tale skupina tematizowała.
