Prěnju skulpturowu ławku blisko Wojerowskeje radnicy přepodali
Wojerecy (KD/SN). Chorwat Jan Šadowic (1624–1704), kotryž je we Łužicy swojich dobrych skutkow dla jako Krabat znaty, je so trajnje do Wojerowskeho stareho města nawróćił. Bywši obrist sakskeho kurwjercha sedźi nětko jako skulptura na torhošću před radnicu na prěnjej skulpturowej ławce. Ju su předwčerawšim w přitomnosći mnohich akterow zjawnosći přepodali.
