Worklecy (SN/MWj). W metal předźěłacym zawodźe Ziegler mjez Pěskecami a Smječkecami připowědźa so wulka inwesticija. Tam matej dwě nowej produkciskej hali nastać, zdźěli jedyn z třoch jednaćelow Thomas Baumgartner na wčerawšim posedźenju Worklečanskeje gmejnskeje rady. Na te wašnje chce zawod swoje wuspěšne wuwiće minjenych 30 lět pokročować a zdobom swoje tuchwilne stejnišćo zachować a rozšěrić.