Prěnje twarske nadawki za areal bywšeho hosćenca přepodali

Pančicy-Kukow (SN/MWj). Wjacegeneraciske zetkanišćo, kotrež ma na terenje bywšeho hosćenca w Pančicach-Kukowje nastać, nabywa přichodne měsacy prěnje kontury. Po tym zo su w aprylu 2020 hosćenc wottorhali, započnu lětsa w septembru hrajkanišćo, pawiljon a nabiwanske stacije za elektrokolesa twarić. Za to je gmejnska rada na swojim wčerawšim posedźenju prěnje twarske nadawki přepodała.