Wojerecy/Northeim (SN/mb). W srjedźišću lětušeho „nutřkoněmskeho wuchodo-zapadneho kulturneho dialoga“ spěchowanskeho towarstwa měšćanskeje hale Northeim steji dźesać programowych dypkow dokoławokoło Serbow. Projektny nawoda Harald März so wjeseli, zo je so w kooperaciji z Wojerowskej županku Gabrielu Linakowej, Wernerom Měškankom a wjele dalšimi zestajenje powabneho programa zešlachćiło, kotryž je internetnje mjez druhim přez www.innowe-kulturdialog.de přistupny. Wosebity wjeršk budźe njedźelu, 20. žnjenca, cyłodnjowski swjedźeń pod hesłom „Sorben – Sommer – Sonnenfest“ na krajnej zahrodnej přehladce w bliskim Bad Gandersheimje, hdźež so Serbska rejwanska skupina Ćisk, folklorna skupina „Serbska reja“ a Paul Geigerzähler wo serbsku kulturu postaraja. Northeim w južnej Delnjej Sakskej słušeše hač do 1990 k „conowym nakromnym kónčinam“ blisko hranicy ZRN a NDR. Spěchowanske towarstwo měšćanskeje hale bě planam zadźěwało, zetkawanišćo zawrěć. Tam so 28. hodownika serbski gala-wječor ze Serbskim ludowym ansamblom wotměje. W domizniskim muzeju zahaja 15.