Budyšin (CRM/SN). Před lěćnej přestawku, w tutym padźe mjez abituru a nastupom studija, zahori z Měrkowa pochadźacy a we Weimaru so wukubłacy gitarist Matteo Hórnik z komilitonami a komilitonku minjeny pjatk w Kamjentnym domje młodych a staršich připosłucharjow z wozbožacym koncertom. Jako komorny ansambl Belvedere sej lěćnu turneju zarjadowawši wustupichu na přikład w Bonnje w luksurioznej seniorowej rezidency a w Magdeburksim konserwatoriju. Hórnik pak pohnu swojich přećelow z gymnazija a internata, z nim sej tohorunja do jeho łužisko-serbskeje domizny dojěć. Załožba za serbski lud a dalši spěchowarjo projekt młodych wuměłcow podpěruja. Hudźbnicy hraja klawěr, husle, cello kaž tež pozawnu a gitara je dwójce wobsadźena.