Zhorjelc (AK/SN). Wokrjes Zhorjelc trjeba w prašenju zaměstnjenja migrantow nuznje pomoc, ze stron swobodneho stata a předewšěm z Berlina. To je krajny ­rady dr. Stephan Meyer (CDU) tydźenja w Zhorjelcu hišće raz potwjerdźił. Přeco hišće nima wón žanu wotmołwu zwjazkoweje nutřkowneje ministerki Nancy Faeser (SPD) na swoje nuzne naprašowanje. „Zwjazk dyrbi zwjazkowu policiju podpěrać a namjezne kontrole zarjadować. Předewšěm dyrbi nas Berlin při nastawacych kóštach za přebywanišća podpěrać“, krajny rada potwjerdźi. „Dyrbimy to nachwatać, štož su w Berlinje zaspali.“ Hdyž dźe wo decentralne zaměstnjenje požadarjow wo azyl, měł Zwjazk wokrjesej nastawace kóšty nastupajo pomhać.