Předewzaće za fyzioterapiju Hagena Melchera so dale powjetši. Nětko je wón dalšu praksu we Wojerecach wotewrěł a to w něhdyšej Starej póšće, hdźež bě dotal praksa za lěkowanje dźěći zaměstnjena.

Wojerecy (SiR/SN). Twarjenje na Friedrichowej 48 ma wosebite stawizny. W lěće 1895 je do njeho měšćanski póštowy zarjad zaćahnył. Wot lěta 1923 do 1927 bydleše w domskim „nan kompjuterow“ Konrad Zuse. W lěće 2001 bu póstowa filiala zawrěta. Meixnerecy, lěkarska swójba, rozsudźichu so twarjenje jako praksu a za bydlenje wužiwać. Stare póstowe woknješko w přizemju spřistupnja dr. Marcus Meixner zajimcam rady dale jako kulturnohistoriske zetkawanišćo. Po wućahu praksy dźěćaceje lěkarki Katje Meixner běchu rumnosće něšto měsacow njewužiwane. Přichodny měsac, spočatk decembra Hagen Melcher tam z praksu za fyzioterapiju zaćahny.