Zejicy (SN/MWj). K nócnemu zasadźenju na statnej dróze S 101 su wčera něhdźe w 22.30 hodź. wohnjowych wobornikow mjez Zejicami a Hornim Wujězdom wołali. Při wotbóčce do Noweho Dwora bě tankowe awto z dotal njeznatych přičin z připowěšakom přejara naprawo zajěło. Při tym so připowěšak zwróći a wosta w přirowje naboku ležo. Awto same ­wosta na zbožo stejo, byrnjež trochu nachilene było.