Nic jenož na wsach, ale tež w městach maja mnozy doma skót. Něchtóžkuli nimo toho drobny skót plahuje. Wšitcy so wo strowotu swojich lubuškow ­prócuja. K tomu ­přinošować chce naša serija z pokiwami z weterinarneje ­mediciny. (32)

To bě tež cyle jednorje błudne. 22. januara 1997 wuńdźe w Němskej tak mjenowana „Notschlachtungsverordnung“, po kotrejž měješe so 5 700 importowanych howjadow morić. Přičina běše zwěsćeny błud howjadow BSE, z Wulkobritaniskeje importowanych. BSE je skrótšenka za „bovine spongiforme encephalopathie“, schorjenje mozow howjadow, při kotrymž so mozy poněčim wottwarjeja, zo wupadaja kaž dźěrata hubica. We Wulkobritaniskej wšak wudyri chorosć hižo 1986 přez picowanje zwěrjaceje muki, kotraž bě ze zbytkami z rězanych howjadow kontaminowana.